我唔鍾意一個人，但係一多人我就會頭痛；我最鍾意搭巴士，因為我淨係識搭巴士。雖然我唔係好鍾意等巴士，但係我都等架，因為我知道遲早一定會有車。有車我就上囉，實去到總站架，雖然我唔知架車去邊度呢，但係我諗我會識落車架。
我睇o野有時會唔係咁清楚。 有時好近都睇唔清楚，但係遠o的o野呢，又好似幾清楚喎，我諗我係有近視同遠視架。
我有好多o野唔鍾意o架。但係又唔知鍾意o的乜。
我怕黑o架。夜晚一定要開燈。
我細個o個陣學英文呢，o的tense 好差架，尤其係現在進行式，學極都唔識。
我唱歌好掂o架，有o的人話我把聲似劉華，有o的人又話我似哥哥，但係我覺得自己最似都係羅記囉。一係即刻唱首〈獅子山下〉過你聽喇。
我叫個香港人。我住o係香港；我係香港人，人囉。
（原文刊登於糊塗戲班網站，是為《人人特搜》演出前奏）
No comments:
Post a Comment